Почетна | Новости | 19.06.2024

Машинскиот факултет – МФС при УКИМ прослави 65 годишен јубилеј

На 19.06.2024, Машинскиот факултет – Скопје (МФС) при Универзитетот „Св. Кирил и Методиј“ во Скопје го прослави 65-годишниот јубилеј со голем настан кој ја истакна неговата богата историја и придонес во развојот на инженерството и примената на индустрискиот сектор. Притоа се одржаа:

Свечен Наставно-научен совет на МФС
Промоција на 137 дипломирани машински инженери и 32 магистри на технички науки од областите на машинството во календарската 2023 година
Доделувањето на награди на 10-те дипломирани студенти со најдобар просечен успех

Професорите на Машинскиот факултет заедно со претставници од останатите факултети на УКИМ и партнерите од индустријата го одбележат овој јубилеј дискутирајки за децениската академска извонредност и придонес во научната област во Република Северна Македонија. Настанот беше проследен со инспиративни обраќања на деканот на МФС, проф. д-р Златко Петрески, ректорката на УКИМ, проф. д-р Биљана Ангелова, истакнати алумни и индустриски лидери. Истиот послужи како платформа за откривање на идните иницијативи насочени кон продолжување на извонредноста и иновативноста во развојот и трансферот на технологии, како и поттикнување на иновативноста и извонредноста на следните генерации инженери.

Како дел од одбележувањето на јубилејот, тимот студенти на Машинскиот факултет – Скопје при УКИМ го промовираше проектот „Формула студент“ под името MES Racing кој е стартуван првенствено на Машинскиот факултет – Скопје, за потоа да се развива и интердисциплинарно, со вклучување на студенти од Факултетот за електротехника и информациски технологии (ФЕИТ), Економскиот факултет (ЕФ).

Тим од амбициозни студенти од Машинскиот факултет го започнаа овој проект за дизајнирање на болид за Формула 1, покажувајќи ја нивната инженерска моќ и иновативност. Проектот не само што ги предизвикува нивните технички вештини, туку и ги поттикнува способностите за тимска работа, решавање проблеми и управување со проекти. Овој потфат, поддржан од професорскиот кадар како и индустриски советници, претставува значаен чекор во нивното образовно патување. Овој храбар проект е доказ за посветеноста на студентите и посветеноста на Факултетот за негување на иновативни таленти.

Студентите од тимот Формула студент со промовираниот болид ќе учествуваат на натпреварот кој ќе се оддржи во август 2024 на патеката Rimac Moto во Хрватска.

May be an image of 22 people and text