Инфраструктура на УКИМ | Научноистражувачки центри

Фабриката за паметно учење – Скопје (SLFS) е основана во 2023 година и се наоѓа на Машинскиот факултет – Скопје при Универзитетот „Св. Кирил и Методиј“ во Скопје, со цел да се создаде физичка симулациска средина за учење производствени концепти каде што студентите и професионалците од индустријата можат да учат нови технологии и да ги развиваат вештини, фокусирајќи се на Lean Management и Industry 4.0..

SLFS потекнува од проектот Learn4SMEs „Фабрика за учење за подобрување на дигиталната конкурентност и подготвеноста на индустријата 4.0 на малите и средните претпријатија на Балканот“ финансиран од EIT-Manufacturing, кофинансиран од Европската Унија.

DIH-FEIT е првиот целосно оперативен центар (хаб) за дигитални иновации (DIH-Digital Innovation Hub).

DIH-FEIT претставува врв на дигиталните иновации во земјата и е едношалтерски систем за компаниите кои сакаат да ја зголемат својата конкурентност. Истовремено, ги поттикнува иновации во деловните/производствените процеси, кај производите и услугите со користење на дигитални технологии, преку обезбедување пристап до техничка експертиза и капацитети за експериментирање/прототип.

Компаниите можат да тестираат пред да инвестираат користејќи модерни дигитални алатки што им овозможуваат намалување на трошоците за развој на нов производ и брзо следење на процесот на комерцијализација на иновацијата. DIH-FEIT им помага на компаниите да се поврзат со други од нивниот синџир на вредност, со иноватори и потенцијални клиенти кои сакаат да тестираат решенија.

HPC High Performance Computing центар сместен на ФИНКИ Факултетот за информатички науки и компјутерско инженерство.