Почетна | Новости | 18.07.2024

Универзитетот „Св. Кирил и Методиј“ во Скопје ги објави конкурсите за упис на студенти на прв, втор и трет циклус студии за академската 2024/2025 година.

Заинтересираните кандидати за упис на прв и втор циклус студии на УКИМ, потребно е да се регистрираат на www.upisi.ukim.mk и да ја пополнат електронската пријава од iKnow-системот, како дел од документите за пријавување.

За студии на прв циклус во учебната 2024/2025 година, на факултетите на Универзитетот „Св. Кирил и Методиј“ во Скопје,  има 9921 слободни места за упис на студенти, од кои:

• 8971 вкупно места за студенти, за студии финансирани од Буџетот на РСМ, студии со кофинансирање и студии за вонредни студенти, како и
• 950 места за странски студенти.

Првиот уписен рок за прв циклус студии на УКИМ, ќе започне на 29 август 2024 година.

За студии на втор циклус во учебната 2024/2025 година, слободните места за упис на студенти на единиците на Универзитетот „Св. Кирил и Методиј“ во Скопје, се објавени во Конкурсот за втор циклус.

Првиот уписен рок за втор циклус студии на УКИМ, ќе започне на 1 октомври 2024 година.

За студии на трет циклус во учебната 2024/2025 година, слободните места за упис на студенти на студиските програми на Школата за докторски студии на Универзитетот „Св. Кирил и Методиј“ во Скопје, се објавени во Конкурсот за трет циклус.

Првиот уписен рок за трет циклус студии на УКИМ, ќе започне на 10 септември 2024 година.