Квалитет | Евалуација

 

Европска програма за институционална евалуација

Универзитетот „Св. Кирил и Методиј“ во Скопје (УКИМ), како членка на Европската асоцијација на универзитети (ЕУА), следејќи ја Програмата за институционална евалуација на Европската асоцијација на универзитети (ЕУА) и насоките за спроведување самоевалуација и надворешна евалуација, во изминатиот период помина низ пет евалуациони процеси на надворешна евалуација:

  • надворешна евалуација во 2003 година,
  • прва последователна евалуацијa во 2008 година,
  • втора последователна евалуација во 2011 година, иницирана и поддржана од Светска банка,
  • надворешна евалуација реализирана од експертски тим на ЕУА во периодот септември 2014 – април 2015 и
  • надворешна евалуација во 2017 година спроведена од експертски тим номиниран од ЕУА.

Тргнувајќи од потребата за надворешна, објективна оцена и обезбедување континуиран развој и квалитет во сите области на дејствување, надворешните евалуации на Универзитетот „Св. Кирил и Методиј“ во Скопје претставуваат континуитет на процесите на самоевалуација, кои континуирано се спроведуваат на единиците на Универзитетот, а се презентираат со последователни севкупни три годишни извештаи за самоевалуација.

Во рамките на исполнувањето на обврските кои произлегуваат од Законот за високото образование (ЗВО) на Република Северна Македонија, последователно се формираат комисии за самоевалуација на УКИМ со претставници од единиците на Универзитетот, задолжени за спроведување процес за самоевалуација и изработка на извештаи за самоевалуација на УКИМ. Процесите на самоевалуација се изведуваат во согласност со структурата и содржината утврдени во насоките на ЕУА и ENQA за институционална последователна евалуација.

 

Документи

  1. Извештај за самоевалуацијата на УКИМ (2016/2017, 2017/18 и 2018/2019)
  2. Извештај за надворешна евалуација од ЕУА (превод, ноември 2017)
  3. Извештај за самоевалуацијата на УКИМ (2013/2014-2015/2016)
  4. Извештај за надворешна евалуација од ЕУА (април 2015)
  5. Извештај за самоевалуацијата на УКИМ (2010/2011-2012/2013)
  6. Извештај за самоевалуацијата на УКИМ (2006/2007-2009/2010) и Извештај за надворешната евалуација на УКИМ
  7. Упатство за самоевалуција и обезбедување и оценување на квалитетот на единиците на Универзитетот